أسما منير تطرح كتابها الجديد "طلقني" بمعرض الكتاب الدولي

نشرت الفنانة أسما شريف منير، صورة بوستر كتابها الجديد" طلقني" عبر موقع تبادل الصور والفيديوهات "إنستجرام"، ولاقت الصورة تفاعلا لدى جمهورها.


وعلقت" منير"علي الصورة:" الكتاب نزل خلاص أحلي خبر في حياتي..اللي يجيب الكتاب يصوروا وأعملولي منشن فيه، ربنا يفرح قلبكم معرض القاهرة الدولي للكتاب2020"
دار الوطن للنشر والتوزيع هتلاقو الكتاب في قاعة B12 2" .

ونالت العديد من الاعجابات والتعليقات لدى جمهورها، وكان من أبرز التعليقات على الصورة:" تتبسطي وتتهني يا سمسمة، مبروك".

كما صرحت الإعلامية أسما منير عن تفاصيل كتابها الجديد" طلقني" :" صباح الخير ...مين متحمس"، وكتبت على الكتاب من خلف:"هممم طب ايه؟! .. اشتري الكتاب ده و لا ايه؟! .. من أولها كدا بدأت بـ "طلقني" شكلها كده حاجة تخوف! .. يا تري بتتكلم عن ايه؟! .. ما يمكن تطلع مجنونة وجاية تبوظلي حياتي انا اصلاً متلصمة.. بس يمكن برضو تطلع عندها تجربة حقيقية واستفاد منها .. ولا إيه!".

وإستكملت كتابتها قائلة:"بصوا أنا باختصار هبسطهالِكم.. الكتاب ده عايزكم تفهموا الموضوع صح و تشوفوا تجربة حقيقية قدام عينكم علشان تستفيدوا منها يعني ما تقلقوش القرار في النهاية قراركم سواء إصلاح أو طلاق .. لأن الموضوع ده بالذات حسّاس وصعب وتفاصيله كتيرة وأنتوا ابطال الحدوتة و علي فكرة حتي لو مش متجوزين هتستفادوا .. هتحتاجوا تهدوا علشان تفكروا صح بعد ما تقرأوا".


كما قالت أيضاً في السطور الآخيرة:"كتاب طلقني اللي بين اديكم دلوقتي بفتحلكم فيه باب حياتي زي ما عودتكم ديماً بس المرة دي بتدخلوا معايا منطقة خاصة جداً في حكاية حقيقية من واقع تجربة صاحبتها اللي بتكلّمكم علشان توفّر عليكم الوقت والمجهود و تعب الأعصاب ، ..انا بحكيلِكم علشان خايفة عليكم وبتمنى تستفيدوا وأكون سبب يخليكم تعملوا حاجة حلوة لحياتِكم .. #طلقني أول تجربة ليًا في الكتابة ..هحكيلكم فيها من قلبي عن حياتي و انا واثقة أنكم مش هتندموا".
ونالت العديد من الاعجابات والتعليقات لدى جمهورها، وكان من أبرز التعليقات علي صورتها:" جميلة أوي يا سمسم، بسم الله ماشاء الله".